OS XOGOS DE MESA CHEGAN AO CEIP FONTE ESCURA

O pasado 3 de outubro do 2019 comezou unha nova alternativa de xogo no patio do CEIP Fonte Escura. Dúas das mestras compoñentes do equipo de Dinamización da Lingua Galega apareceron no patio de primaria cunha caixa de pasteis dentro da cal había un xogo de mesa: o UNO.

A partir de agora, cada xoves preparase un xogo novo de mesa para que todos os alumnos e alumnas do CEIP Fonte Escura poidan divertirse no patio xogando a cousas diferentes, ademais de estimular o uso do galego no tempo de recreo.