Diario do coronavirus

En tempos de confinamento a nosa capacidade creativa está en plena ebulición. Convidámosvos a botarlle unha ollada á nosa nova sección.

POEMA AO CORONAVIRUS

21 de marzo 2020 - Día da Poesía

Para inaugurarmos esta nova sección empregaremos o poema elaborado por 5º/6º EP co gallo da celebración do Día da Poesía e a Semana da Prensa. A composición do poema partiu dunha nova extraída dun xornal. Agardamos que vos guste!

Cinco paisanos
cuxo nome non lembramos

deron positivo

por coronavirus.

No cruceiro Westerdam

ían de vacacións

cando unha octoxenaria

aos españois contaxiou.

Nin Xapón nin Tailandia

os deixaron pasar.

Por iso en Camboia

tiveron que desembarcar.

Unha española illada

no barco tivo que quedar,

e os outros catro infectados

nun hotel os tiveron que aloxar.