O CEIP Fonte Escura únese á “Gran Bellotada Ibérica”

Os alumnos do C.E.I.P. Fonte Escura van facer unha plantación de landras para axudar coa reforestación e así coidar o planeta. Deste xeito, únense á iniciativa da “Gran Bellotada Ibérica”, un plan para salvar á Península Ibérica da deforestación mediante a plantación de 25 millóns de landras, xa que o 70% da península se atopa en alto risco de desertificación. No mes de outubro farán xerminar as landras que, máis adiante, no mes de decembro, porán en cartóns de leite. Despois, transplantaranse a unha zona de monte coa colaboración da Comunidade de Montes de Cabral nos meses de marzo ou abril.