Como todos sabedes, a declaración do Estado de Alarma o pasado 14 de marzo fixo que os nosos xornalistas favoritos tivesen que quedar confinados nas súas casas, sen poder informarnos de máis novas. Non obstante, queremos informarvos de que, alomenos polo momento, todos eles gozan de boa saúde.
Están desexosos de voltar ao cole e seguir informando, pero de momento fixéronnos chegar algunhas fotos non só dos traballos que lles encomendaron as mestras para facer na casa, senón tamén do seu día a día. É o caso de Roque, que nos envía unha foto coa súa familia facendo unha das cousas que máis lle gusta: pintar.
Paula tamén estivo pintando, e por iso compartimos con vós o seu debuxo.
Como de momento o retorno á normalidade non se ve moi próximo, o xornal habilitará unha nova sección dedicada á corentena, na que durante o terceiro trimestre os nosos xornalistas compartirán con vós as súas experiencias, así como receitas, libros, películas, xogos ou formas de pasar o tempo que lles axudaron a levar un pouco mellor o encerro.
Esperamos volver a escribir o máis pronto posible.
Fdo.: A editorial - EDLG CEIP Fonte Escura
Comments